Воситалар
Tools (tool use)
Моделга берилган қўшимча имкониятлар: интернетдан қидириш, код ишга тушириш, файл ўқиш, расм чизиш ва бошқалар.
Тил модели ўзича фақат матн ёзади. У интернетга кира олмайди, ҳисоб-китобни аниқ текшира олмайди, файлни сақлай олмайди. Воситалар шу бўшлиқни тўлдиради. Модел "шу сўз бўйича интернетдан қидир" ёки "шу кодни ишга тушир" деган махсус буйруқни ёзади, илова уни бажариб, натижани моделга қайтаради. Модел натижани ўқиб, жавобни давом эттиради.
Сериядаги ўхшатиш: тил модели мия, воситалар эса қўллар. Мия қанчалик ақлли бўлмасин, қўлсиз чойнакни ҳам кўтаролмайди.
Кенг тарқалган воситалар:
- интернет-қидирув: янгиликларни топиш ва манба кўрсатиш;
- код ишга тушириш: аниқ ҳисоб-китоб, жадвал ва графиклар;
- файллар билан ишлаш: ҳужжатни ўқиш, таҳрирлаш;
- расм яратиш;
- хотира: сиз ҳақингиздаги қисқа эслатмаларни сақлаш.
Мисол: "Бугун Тошкентда об-ҳаво қандай?" деб сўрасангиз, модел буни ўзи билмайди, чунки унинг билими маълум санада тўхтаган. У қидирув воситасини чақиради, саҳифани ўқийди ва кейин жавоб ёзади.
Хато тушунча: "AI ҳамма нарсани ўзи билади". Аслида кўп ишни у воситалар орқали қилади. Модел воситаларни кетма-кет ўзи ишлатиб, ишни охирига етказа бошласа, у агентга айланади.